Anil Rajಅನಿಲ್ ರಾಜ್

ಜಪಾನ್ ಮತ್ತು ಭಾರತದಲ್ಲಿ ವಿವಿಧ ಉದ್ಯಮಗಳಲ್ಲಿ ವ್ಯವಹಾರಗಳನ್ನು ಕಟ್ಟುವಲ್ಲಿ ಎರಡು ದಶಕಗಳಿಗೂ ಹೆಚ್ಚು ಅನುಭವವಿರುವ ಅಂತರರಾಷ್ಟ್ರೀಯ ಸರಣಿ ಉದ್ಯಮಿ ಅನಿಲ್ ರಾಜ್. ತಂತ್ರಜ್ಞಾನ ಸಂಬಂಧಿತ ಸೇವೆಗಳು, ಭಾರತೀಯ ರೆಸ್ಟೋರೆಂಟ್‌ಗಳ ಸರಪಳಿ, ಅಂತರರಾಷ್ಟ್ರೀಯ ಕಿಂಡರ್‌ಗಾರ್ಟನ್ ಶಾಲೆ, ಪ್ರವಾಸ ಮತ್ತು ವಿರಾಮ ಸೇವೆಗಳು, ಆಮದು-ರಫ್ತು ಸೇರಿದಂತೆ ಹಲವು ಉದ್ಯಮಗಳು ಅವರದು.

ಉದ್ಯಮಶೀಲತೆಯ ಪಯಣ ಆರಂಭಿಸುವ ಮೊದಲು, ಕ್ರೆಡಿಟ್ ಸ್ವಿಸ್, ಡ್ರೆಸ್ಡ್ನರ್, ಶಿನ್‌ಸೆಯ್ ಬ್ಯಾಂಕ್, ಸಿಟಿಬ್ಯಾಂಕ್ ಸೇರಿದಂತೆ ಅಂತರರಾಷ್ಟ್ರೀಯ ಹೂಡಿಕೆ ಬ್ಯಾಂಕುಗಳಲ್ಲಿ 17 ವರ್ಷ ತಂತ್ರಜ್ಞಾನ ತಜ್ಞರಾಗಿ ಕಾರ್ಯನಿರ್ವಹಿಸಿದರು. ಆಸ್ಟ್ರೇಲಿಯಾದಲ್ಲಿ ಮಾಹಿತಿ ತಂತ್ರಜ್ಞಾನದಲ್ಲಿ ಮಾಸ್ಟರ್ ಆಫ್ ಸೈನ್ಸ್ ಪದವಿ ಪಡೆದ ಅವರು 2001ರಲ್ಲಿ ಜಪಾನ್‌ನ ಟೋಕಿಯೋದಲ್ಲಿ RAJGROUP ಸ್ಥಾಪಿಸಿದರು.

ವರ್ಷಗಳಿಂದ ಜಪಾನೀ ಮತ್ತು ಭಾರತೀಯ ಕಂಪನಿಗಳ ನಡುವೆ ಪಾಲುದಾರಿಕೆಗಳನ್ನು ಸಾಧ್ಯಮಾಡಿ, ಸಹಯೋಗ ಬಯಸುವ ಉದ್ಯಮ ನಾಯಕರಿಗೆ ನಂಬಿಕೆಯ ವ್ಯಕ್ತಿಯಾಗಿ ಅನಿಲ್ ರಾಜ್ ಗುರುತಿಸಿಕೊಂಡಿದ್ದಾರೆ. ಜಪಾನ್‌ನ ವ್ಯಾಪಾರ ಮತ್ತು ರಾಜಕೀಯ ವಲಯಗಳೆರಡರಲ್ಲೂ ಅವರು ಚಿರಪರಿಚಿತರು; ಭಾರತದ ರಾಷ್ಟ್ರನಾಯಕರು ಮತ್ತು ಗಣ್ಯರು ವ್ಯಾಪಾರ ಉದ್ದೇಶದಿಂದ ಜಪಾನ್‌ಗೆ ಭೇಟಿ ನೀಡಿದಾಗ ಆಗಾಗ ಅವರ ಸಲಹೆ ಪಡೆಯಲಾಗುತ್ತದೆ.

ಜಪಾನ್‌ನಿಂದ ಭಾರತ ಮತ್ತು ಭಾರತದಿಂದ ಜಪಾನ್ ಕಲಿಯಬೇಕಾದದ್ದು ಸಾಕಷ್ಟಿದೆ ಎಂದು ಅನಿಲ್ ನಂಬುತ್ತಾರೆ; ಎರಡೂ ದೇಶಗಳ ನಾಗರಿಕರ ಜೀವನಮಟ್ಟವನ್ನು ಸುಧಾರಿಸಲು ಸಹಯೋಗದ ಮಹತ್ವವನ್ನು ಒತ್ತಿ ಹೇಳುತ್ತಾರೆ. ಭಾರತದೊಂದಿಗೆ ಆಳವಾದ ನಂಟು ಹೊಂದಿರುವ ಅವರು ಭಾರತೀಯ ವಿದ್ಯಾರ್ಥಿಗಳು ಮತ್ತು ಉದ್ಯಮಿಗಳನ್ನು ಪ್ರೋತ್ಸಾಹಿಸಲು ವಿವಿಧ ವೇದಿಕೆಗಳಲ್ಲಿ ಮಾತನಾಡಿದ್ದಾರೆ; ದೇಶದಲ್ಲಿ ಬೆಳೆಯುತ್ತಿರುವ ಪ್ರತಿಭೆಯಿಂದಾಗಿ ಭಾರತದ ಬೆಳವಣಿಗೆಯ ಕಥೆ ಈ ಶತಮಾನದಲ್ಲೇ ನನಸಾಗಬಹುದು ಎಂಬುದು ಅವರ ನಂಬಿಕೆ.